Afskriftir.

Talsverð umræða hefur verið um niðurfellingu lána vegna einstaklinga. Talað hefur verið um 20 - 50 % niðurfellingu og sitt sýnist hverjum. Talað er um upphæðir frá 700 - 1400 miljarða sem sem fella yrði niður. Það sem einkennir þessa umræðu eru þær tölur sem menn eru að nefna, og engin virðist vita hvaða upphæð er rétt, enda er dágóður munur á milli 700 og 1400 milljarða. Þegar um niðurfellingu skulda er rætt, endar umræðan alltaf á þann veg að spurt er hver á að borga. Ekki er spurt hver á að borga þegar skuldir eru afskrifaðar af fyrirtækjum. Hver á að borga 3 milljarða sem afskrifaðir voru þegar Árvakur var seldur?  Hver á að borga þegar Sena verður seld? Hver á að borga þegar öll eignarhaldsfélögin fara í þrot?.  Er ekki bara betra að gera alla einstaklinga að hf t.d. Bragi hf og þá er auðvelt að afskrifa lán án þess  að spyrja hver  á að borga.

Ég hef áður reifað þá hugmynd að stjórnvöld ættu að ráða 130-150 einstaklinga til starfa og setja upp ráðgjafaþjónustu sem tekur saman skuldir einstaklinga og kemur með ábendingar og eða setur upp greiðsluplan sem hæfir hverjum og einum.  Þetta greiðsluplan er farið með í bankann og bankinn vinnur efir þessu plaggi. Heimildir til niðurfellinga skulda að hluta verða settar á og þeir einstaklingar sem geta staðist greiðsluplan sem sett er upp fá fyrirgreiðslu. Þeim einstaklingum  sem ekki  hafa bolmagn til þess að greiða skuldir sínar verður hjálpað í gegnum greiðsluþrot án þess að gera einstaklinginn gjaldþrota. Með þessu er hægt að greina og takast á við skuldir einstaklinga, og koma jafnvægi á sálartetur þjóðarinnar.

kv Bragi Sig

Athugasemdir

[Offari, 8.3.2009 kl. 11:07]

Málið er að með því að lengja í lánum hjá ofskuldurum er verið að setja viðkomandi í þrældóm fram að elliárum. Ég vill frekar afnema þetta þrælahald og afskrifa sirka 30-50% af þeirra skuldum. Með því móti er hægt að lækka fasteignaverðið sem ég tel vera stærsta sökudólg kreppunar.

Um leið og fasteignaverðið verður viðráðanlegt hefur almenningur svigrúm til að kaupa aðra iðnaðarvörur og koma þannig atvinnulífi og þar með hagkerfinu aftur í gang.

[Bragi Sigurðsson, 8.3.2009 kl. 12:05]

Enginn ávinningur er af því að lækka skuldir hjá einstaklingum sem geta hvort sem er ekki greitt af þeim. Ef hægt er að lækka skuldir um 20-50% hjá þeim sem geta greitt erum við á réttri leið.

[Offari, 8.3.2009 kl. 12:48]

Ég tel að stærstur hluti geti borgað 30-50% af sínum skuldum. Það er of tímfrekt að leita af þeim sem ekki geta borgað og ósanngjarnt að afskrifa minna hjá þeim sem geta borgað meira. Því þessum aðgerðum fylgir lækkun á eignaverði. Ég er skuldlaus en tel mig líka hafa ávinning af slíkum aðgerðum því ef fasteignaverðið lækkar þá get ég keypt mér hús.

Þannig að í raun munu flestir hagnast á slíkum afskriftum skulda. Ég get líka hagnast á því að allir fari á hausinn og gert Offari group að stórfyritæki á leigumarkaðinum. En ég kæri mig bara ekkert um að hagnast á óförum annara.